آندھرا پردیش :گیس پائپ لائن پھٹ پڑا۔15افراد جل گئے

حیدرآباد۔27جون(اعتماد نیوز)آندھرا پردیش کے ضلع مشرقی گوداوری کے مامڈی کدورو منڈل میں گئیل ٹرمنل کے قریب متعلقہ گیس پائپ لائن پھٹ جانے کے سبب 15افراد جل کر ہلاک ہوگئے۔ اور 14افراد زخمی ہوگئے جو کہ اس وقت زیر علاج ہے۔ امکان ہے کہ مہلوکین کی تعداد میں مزید اضافہ ہو۔ جیسے ہی اس حادثہ کی اطلاع ملی اے پی چیف منسٹر این چندرا بابو نائیڈو مرکزی وزیر پٹرولیم کے ساتھ دہلی کے تمام دوروں کو منسوخ کرتے ہوئے مقام حادثہ پر روانہ ہوگئے۔ مہلوکین



کی نعشیں بھی نا قابل شناخت ہیں۔ متعلقہ عہدیداروں کا کہنا ہے کہ نعشوں کی شناخت کے لئے مزید وقت لگ سکتا ہے۔ آگ کی شدت کا اندازہ اس بات سے لگایا جا سکتا ہے کہ آگ کے شعلے 350میٹر بلند تک رہے۔ آج صبح کے وقت یہ حادثہ پیش آتے ہی مقامی عوام خوف و دہشت کے عالم میں اپنے اپنے مکانات سے نکل پڑے۔ آگ پر قابو پانیکے لئے 10فائر انجنوں کا استعمال کیا گیا۔ مقامی عوام نے گئیل کمپنی کے عہدیداروں کو اس حادثہ کا ذمہ دار قرار دیتے ہوئے سخت کاروائی کا مطالبہ کیا۔